Яңалыклар

31.01.2020

Бүген Татарстан Республикасы Президенты Рөстәм Миңнеханов «Горький ис. Зеленодольск заводы» АҖ топ-менеджменты вәкилләре белән очрашты.  

Очрашу Татарстан Республикасы Хөкүмәте йортында узды, һәм 2019 елда предприятие эшчәнлеге йомгакларына һәм 2020 елга планнарына багышланды.  

31.01.2020

Бүген Татарстан Республикасы Президенты Рөстәм Миңнеханов «ПОЗИС» ААҖ җитәкчелеге белән очрашты.

Чара Рөстәм Миңнехановның Татарстан Республикасында эшчәнлек алып баручы эре сәнәгать предприятеләре вәкилләре белән очрашулар сериясе кысаларында уздырылды. 

31.01.2020

Бүген Татарстан Республикасы Президенты Рөстәм Миңнеханов Татарстан Республикасы Төзелеш, архитектура һәм ТКХ министрлыгының йомгаклау коллегиясендә катнашты. Анда шулай ук Россия Федерациясе Төзелеш һәм ТКХ министры урынбасары Максим Егоров, Татарстан Республикасы төзелеш, архитектура һәм ТКХ министры Фәрит Хәнифов һәм башкалар да катнашты. 

Рөстәм Миңнеханов чыгышында билгеләп үткәнчә, быел Татарстаннан берьюлы ике кеше Россия Федерациясе Хөкүмәтенең яңа составына керде - Марат Хөснуллин һәм Ирек Фәйзуллин. «Бу ил күләмендә таләп ителгән югары профессиональ дәрәҗә һәм тәҗрибә турында сөйли», - диде Татарстан Президенты.  

31.01.2020

Татарстан Республикасында илкүләм проектларны гамәлгә ашыруның барышы турында “Татмедиа” агентлыгы активрак яктыртырга тиеш. Б ухакта бүген ТР Президент Аппараты җитәкчесе Әсгать Сәфәров “Татмедиа” агентлыгы коллегиясе утырышында хәбәр итте.

31.01.2020

Бүген Казанның «Сәйдәш» мәдәният сараенда «Безнең ишегалды» республика программасын гамәлгә ашыру кысаларында мәгариф воркшопына йомгак ясадылар. Чарада Татарстан Республикасы Президенты Рөстәм Миңнеханов, Татарстан Республикасы Президенты ярдәмчесе Наталия Фишман-Бекмамбетова, Казан мэры Илсур Метшин, Чаллы мэры Наил Мәһдиев, республика министрлыклары һәм ведомстволары вәкилләре катнашты. 

Искәртәбез, мәгариф воркшопы 27 гыйнварда башланып китте. Чараның төп максаты ишегаллары территорияләрен комплекслы үстерү тәкъдимнәрен әзерләү, аларны хәл итү юлларын ачыклау, шулай ук программаны гамәлгә ашыруга карата системалы алымнар табу иде.

31.01.2020

Бүген Татарстан Республикасы Президенты Рөстәм Миңнеханов КТАТУның  «ДАШКА» балалар архитектура-дизайнер мәктәбендә булды.

Аны Казан мэры Илсур Метшин, «ДАШКА» мәктәбе директоры Мария Латыпова, КДАСТУ ректоры Рәшит Низамов озата йөрде, алар уку сыйныфларын, башка урыннарны карап чыктылар, шулай ук ишегаллары территорияләрен төзекләндерү буенча тәкъдимнәр әзерләгән балалар белән сөйләшеп тордылар.  

31.01.2020

Бүген Татарстан Республикасы Президенты Рөстәм Миңнеханов Татарстан Республикасы Кукмара муниципаль районы башлыгы Сергей Димитриевка һәм Кукмара районының барлык авыл кешеләренә котлау телеграммасы юллады.

Искәртәбез, кукмаралылар Татарстан Республикасы муниципаль районнары арасында беренчеләрдән булып тәүлегенә 300 тоннадан артык сөт савып алганнар.

31.01.2020

Бүген Татарстан Республикасы Президенты Рөстәм Миңнеханов «Дизайн Груп»(Төркия) компаниясе Директорлар советы рәисе Ибраһим Мирмәхмүтогуллары белән очрашты.   

Әңгәмә барышында «Дизайн Рус» предприятиесенең «Алабуга» МИЗ территориясендә пластик торбалар җитештерү буенча агымдагы эшчәнлеге мәсьәләләре турында фикер алыштылар. Искәртәбез, «Дизайн Рус» – «Дизайн Груп»ның ярдәмче предприятиесе.

 

30.01.2020

Татарстанга коронавирус керүне кисәтү буенча барлык кирәкле чараларны күрергә кирәк. Бу хакта бүген ТР Премьер-министры вазифаларын башкаручы Рөстәм Нигъмәтуллин ТР Министрлар Кабинетының санитар-эпидемиягә каршы комиссия утырышында белдерде. Утырыш ТР Хөкүмәте йортында узды.

30.01.2020

Илкүләм иминлек фондыннан инвестицияләр алыр өчен Татарстанга зур күләмле нефть химиясе проектлары кирәк. Этан һәм сыекландырылган углеводород газларына кайтарыла торган акцизлар Россиядә газ чималыннан полиолефиннар җитештерүче эре заводлар ачылуын тәэмин итәргә тиеш. Шул ук вакытта кайтарыла торган акцизлар мөмкинлеген куллану өчен республика предприятиеләре инвестпрограммаларын киңәйтергә тиешләр. Бу хакта бүген «Татнефтехиминвест-холдинг» ҖЧҖ Директорлар советы утырышында холдинг генераль директоры Рафинат Яруллин белдерде. 

Утырыш ТР Хөкүмәте Йортында узды, утырышны Татарстан Республикасы Президенты Рөстәм Миңнеханов уздырды. 

Битләр: 1 2 3 4 5 6 7 8 9 ( 10 ) >>