Яңалыклар

21.05.2019

Бүген Россия Федерациясе Хөкүмәте Рәисе урынбасары Татьяна Голикова Татарстанга эш сәфәре кыла. «Казан» халыкара аэропортында аны Татарстан Республикасы Президенты Рөстәм Миңнеханов каршы алды.   

Рөстәм Миңнеханов белән бергә Татьяна Голикова «Яшь профессионаллар VII илкүләм чемпионаты (WorldSkills Russia)» финалының ярыш мәйданчыкларында булачак, экспертлар һәм ярышларда катнашучылар белән аралашачак, Worldskills International халыкара оешмасы президенты Саймон Бартли белән очрашачак. 

21.05.2019

Бүген Татарстан Республикасы Президенты Рөстәм Миңнеханов Тюрингия (ФРГ) икътисад, фән һәм цифрлы җәмгыять министры Вольфганг Тифензее белән очрашты.

Тюрингия делегациясе Казанга эш визиты белән килде. Кичә, 2019 елның 20 маенда, Вольфганг Тифензее  «Яшь профессионаллар» VII илкүләм чемпионатының (WorldSkills Russia) финал этабын ачу тантанасында катнашты. 

Рөстәм Миңнеханов  Вольфганг Тифензее  әфәндегә чемпионатны ачу тантанасында катнашуы һәм Тюрингия җире Премьер-министры исеменнән сәламләве өчен рәхмәт белдерде.

 

21.05.2019

Хезмәттәшлек һәм Казанда быел август аенда WorldSkills стандартлары буенча һөнәри осталык буенча дөнья чемпионатын әзерләү һәм уздыру өлешендә киләчәк эш турында фикер алыштылар бүген Татарстан Республикасы Президенты Рөстәм Миңнеханов белән «Росатом» ДК генераль директоры Алексей Лихачев.  

Очрашу Татарстан Республикасы Хөкүмәте йортында узды.

21.05.2019

Бүген Татарстан Республикасы Президенты Рөстәм Миңнеханов статс-секретарь - Россия Спорт министры урынбасары Наталья Паршикова белән очрашты.

Очрашу Татарстан Республикасы Хөкүмәте йортында узды. 

21.05.2019

Кадерле татарстанлылар!

Хөрмәтле ватандашлар!

Сезне истәлекле дата – Идел Болгарстанының Ислам динен рәсми кабул иткән көне уңаеннан чын йөрәктән тәбрик итәм!

922 елда Аллаһы Тәгаләнең бөек мәрхәмәте белән ата-бабаларыбызның күңеленә ислам диненең илаһи нурлары иңдерелде һәм ул әлегәчә безне Ходайдан рәхим-шәфкать сорап, гөнаһлардан арынырга, рухи камиллеккә ирешергә, тынычлыкка һәм татулыкка өнди.

20.05.2019

Татарстан Республикасы Президенты Рөстәм Миңнеханов «Яшь профессионаллар» VII илкүләм чемпионатының (WorldSkills Russia) финал этабын ачу тантанасында катнашты. Чара «Татнефть Арена» боз сараенда узды. 

Ярышлар Казанда 21 майдан 23 майга кадәр «Казан Экспо» халыкара күргәзмә мәйданчыгында барачак. Ярышларда 91 компетенция, шулай ук Future Skills блогыннан 23 компетенция тәкъдим ителәчәк. 48 компетенция буенча WorldSkills Russia Juniors чарасында катнашучы яшүсмерләр ярышачак.

20.05.2019

Татарстан Республикасы Премьер-министры Алексей Песошин бүген “Безнең Татарстан. Мөмкинлекләр территориясе”  республика яшьләр форумында җиңүчеләрне бүләкләү тантанасында катнашты.

Форум Казанның ИТ-паркы – югары технологияләр өлкәсендәге Технопарк мәйданчыгында уза.

20.05.2019

Татарстан Республикасы Премьер-министры Алексей Песошин 2019 елның беренче кварталы йомгаклары буенча Татарстан Республикасында Алкоголь һәм спиртлы продукция әйләнеше өлкәсендәге вазгыятьне  күзәтү советының чираттагы утырышын уздырды. Бу чара ТР Хөкүмәте йортында узды.

20.05.2019

Бүген Татарстан Республикасы Президенты Рөстәм Миңнеханов Татарстан Республикасы Хөкүмәте йортында WorldSkills International халыкара оешмасы һәм Samsung Electronics компаниясе вәкилләре белән очрашты.

Рөстәм Миңнеханов WorldSkills президенты Саймон Бартлига һәм Samsung Electronics глобаль технологияләр үзәге вице-президенты, башлыгы, Samsung Skills бүлекчәсе генераль секретаре Донг Сеоб Джангка Казанда 2019 елның 20-24 маенда узучы «Яшь профессионаллар» VII илкүләм чемпионаты (WorldSkills Russia) финалында катнашулары өчен рәхмәт белдерде.

20.05.2019

Бүген Татарстан Республикасы Президенты Рөстәм Миңнеханов Татарстан Республикасы Хөкүмәте йортында Төркиянең Anadоlu Efes компаниясе җитәкчелеге белән очрашты.

Очрашуда Татарстан Республикасы Премьер-министрының беренче урынбасары Р.К. Нигъмәтуллин, Татарстан Республикасы Премьер-министры урынбасары – Татарстан Республикасы авыл хуҗалыгы һәм азык-төлек министры Марат Әхмәтов, Татарстан Республикасы Президенты ярдәмчесе  Альберт Нәфыйгин һәм башкалар катнашты.

Битләр: 1 ( 2 ) 3 4 5 6 7 8 9 10 >>