Яңалыклар

25.03.2020

Бүген Татарстан Республикасы Президенты Рөстәм Миңнеханов «Алабуга» МИЗның STEM-үзәгендә булды.

STEM-үзәк «Синергия» индустриаль паркы базасында оештырылган һәм «Алабуга» МИЗ резидент предприятиеләренең квалификацияле кадрларга булган ихтыяҗын канәгатьләндерүгә юнәлгән дуаль система буенча урта һөнәри белем программалары кысаларында квалификацияле белгечләр әзерли. 

25.03.2020

Бүген Татарстан Республикасы Президенты Рөстәм Миңнеханов «Полиматиз» заводының җитештерү куәтләре белән танышты.  

«Полиматиз» заводы «Алабуга» махсус икътисадый зонасы территориясендә урнашкан. 

«Полиматиз» АҖ 2007 елның апрелендә «спанбонд» тибындагы заманча тукылмый торган материаллар җитештерү буенча инвестицион проектны гамәлгә ашыру өчен «Алабуга» МИЗ резиденты буларак теркәлгән. Компания – «Нижнекамскнефтехим» ГАҖнең ярдәмче предприятиесе һәм «ТАИФ» компанияләр төркеменә керә.

25.03.2020

ТР Хөкүмәте йортында “Татспиртпром” АҖ Директорлар советының чираттагы утырышы узды.

Утырышны ТР Премьер-министры Алексей Песошин алып барды.

25.03.2020

Бүген Татарстан Республикасы Президенты Рөстәм Миңнеханов Алабуга муниципаль районында эш сәфәрендә.

«Алабуга» махсус икътисадый зонасы территориясендә Рөстәм Миңнеханов берничә сәнәгать объектын караячак, «Полиматиз» заводы эшчәнлеге белән танышачак һәм «Синергия 2» индустриаль паркында булачак.

Килүгә үк «Алабуга» МИЗда Рөстәм Миңнеханов «Алабуга» корпоратив университетын тәмамлаганнарның проектларын тәкъдир итүдә катнашты.

24.03.2020

Бүген Татарстан Республикасы Хөкүмәте йортында Татарстан Республикасы Президенты Рөстәм Миңнеханов рәислегендә «Татнефтехиминвест-холдинг» ААҖ Директорлар советының чираттагы утырышы узды, анда берничә инновацион проект каралды. 

«Игътибарлы булыгыз! Бөтен мөмкин булган саклык чараларын күрегез, сез зур бер коллектив белән идарә итәсез. Кешеләр аралашуны киметергә кирәклеген аңларга тиешләр», - дип башлады сүзен Рөстәм Миңнеханов, коронавирус пандемиясенә ишарә итеп. 

24.03.2020

Татарстанда “ЛУКОЙЛ” 11нче социаль һәм мәдәни проектлар конкурсы башлануы турында хәбәр иттеләр. Бәйгенең төп максаты – актуаль социаль сорауларны хәл итүдә иҗтимагый оешмалар һәм җәмәгатьчелек башлангычларына ярдәм итү.

Бу хакта ТР Министрлар Кабинетында читтән торып оештырылган брифингта Татарстан Премьер-министры урынбасары Ләйлә Фазлыева белдерде.

24.03.2020

Бүген Татарстан Республикасы Президенты Рөстәм Миңнеханов Татарстан Республикасы Хөкүмәте йортында В.Д. Шашин ис. «Татнефть» ГАҖ Директорлар советы утырышын уздырды.

Утырышта «Татнефть» ГАҖнең быелның ике ае бюджеты  үтәлеше каралды һәм 2020 елның апрель һәм икенче кварталына бюджеты расланды.   

23.03.2020

Татарстан Республикасы буенча Баш федераль инспектор итеп Викктор Демидов билгеләнде.

Бу хакта бүген Россия Федерациясе Президентының Идел буе федераль округында Тулы вәкаләтле вәкиле Игорь Комаров хәбәр итте.

ТР буенча Баш федераль инспектор бүген ТР Хөкүмәте Йортында тәкъдим ителде. Чарада Татарстан Республикасы Президенты Рөстәм Миңнеханов, ТР Дәүләт Советы Рәисе Фәрит Мөхәммәтшин, ТР Премьер-министры Алексей Песошин һәм башкалар катнашты. 

«Минем карарым белән Виктор Николаевич Демидов Татарстан Республикасы буенча Баш федераль инспектор итеп билгеләнде, - дие Игорь Комаров. - Ренат Зәки улы Тимерҗановка баш федераль инспектор вазифасында күп еллык һәм намуслы хезмәте өчен рәхмәт әйтәсем килә. Быел гыйнвар аенда Ренат Зәки улы, дәүләт хезмәтендә чик яшькә җитү сәбәпле, башка эшкә күчте". 

23.03.2020

Бүген Татарстан Республикасына Россия Федерациясе Президентының Идел буе федераль округындагы Тулы вәкаләтле вәкиле Игорь Комаров эш сәфәренә килде.

«Казан» халыкара аэропортында аны Татарстан Республикасы Президенты Рөстәм Миңнеханов һәм башка рәсми затлар каршы алды.

23.03.2020

Бүген Татарстан Республикасы Президенты Рөстәм Миңнеханов Казан федераль университетының Филология һәм мәдәниятара коммуникация институтында булды һәм һәм югары уку йортының читтән торып укытуга күчүгә әзерлеген бәяләде.

Искәртәбез, КФУ 19 марттан республиканың башка югары уку йортлары белән беррәттән читтән торып укыту режимына күчте.

Битләр: 1 2 ( 3 ) 4 5 6 7 8 9 10 >>